Doktorantura səviyyəsi üzrə elektron sənəd qəbulu başlayır
Aprelin 16-da saat 11:00-dan portal.edu.az vasitəsilə ali təhsil pilləsinin doktorantura səviyyəsinə sənəd qəbulu prosesinə başlanılır.
Bu barədə Elm və Təhsil Nazirliyindən məlumat verilib.
Sözügedən xidmət sayəsində Təhsil Mərkəzləşdirilmiş İnformasiya Sisteminə qoşulmuş ali təhsil müəssisələrinə, elmi müəssisə və təşkilatlara doktorantura üzrə qəbul olmaq istəyənlər “Şəxsi kabinet” vasitəsilə elektron formada müraciət edə, cari status və növbəti addımları izləyə biləcəklər. Müraciətlərinə müəssisələr tərəfindən müsbət rəy verilən şəxslər xarici dil imtahanında iştirak hüququ qazanacaqlar.
Müraciətlərin elektron formada həyata keçirilməsi tələbələrə təhsil haqqını müəssisəyə getmədən ödəmək, imtahan nəticələri və digər yeniliklər barədə məlumat əldə etmək imkanı da yaradır.
Sənəd qəbulu prosesi mayın 15-i saat 18:00-da başa çatacaq.
Mətndə səhv var? Onu siçanla seçin və Ctrl+Enter düyməsini basın.
Teqlər:
Magistraturaya sənəd qəbulu sabah yekunlaşır
Qərbi Azərbaycan İcması BMT-nin Ali Kommissarına müraciət ünvanladı
İş adamından Gəncə Apellyasiya Məhkəməsinin hakiminə etiraz – “Afiq Hüseynzadə banklara xidmət edir”
Magistratura imtahanının açıq tipli tapşırıqlar üzrə nəticələri elan olundu
Bu tarixdə imtahanlar keçiriləcək
