“Prezident funksiyalarımın icrasına davam edəcəyəm”
Gürcüstanın sabiq dövlət başçısı Salome Zurabişvili “prezident funksiyalarını” icra etməyə davam edəcəyini açıqlayıb.
“Qafqazinfo” TASS-a istinadən xəbər verir ki, Zurabişvili bu barədə Tbilisidə brifinqdə danışıb.
O, həmçinin işləyəcəyi ofisi təqdim edib: “Bu gün sizi Orbeliani sarayının (prezident iqamətgahı - red.) davamı olan yeni ofisdə qəbul etmək istəyirəm. Bu məkan Orbeliani sarayına bənzəməyə bilər, lakin burada prezidentin funksiyaları davam edəcək”.
Xatırladaq ki, ötən ilin dekabrın 29-da Gürcüstan parlamentində altıncı Prezident Mixail Kavelaşvilinin andiçmə mərasimi keçirilib. O, dekabrın 14-də Seçicilər Kollegiyası tərəfindən beşillik müddətə seçilib. Zurabişvili parlamenti qeyri-qanuni hesab etdiyi üçün istefa verməyəcəyini bildirib. Kavelaşvilinin inauqurasiyasından sonra o, prezident sarayını tərk edib.
Mətndə səhv var? Onu siçanla seçin və Ctrl+Enter düyməsini basın.
Teqlər:
Şəhid Samir Xudiyevin anım mərasimi keçirilib
Türkiyə Cümhuriyyətinin Antalya şəhərində anadangəlmə fiziki qüsurlu gənclərin həqiqi hərbi xidmətə çağırışı və hərbi andiçmə mərasimi keçirildi
İlham Əliyev ölkəmizi qlobal miqyasda tanınan nüfuzlu dövlətə çevirib
Gürcüstanın hakim partiyası Tbilisidə 100 minlik "cavab mitinqi" keçirir
