Qubadlıda yük maşını aşdı, sürücü köməksiz qaldı
Qubadlı rayonunun Hal kəndi ərazisində yol-nəqliyyat hadisəsi baş verib və vətəndaş avtomobildə köməksiz vəziyyətdə qalıb.
FHN-dən “Qafqazinfo”ya verilən xəbərə görə, məlumatla əlaqədar hadisə yerinə dərhal qurumun Dövlət Yanğından Mühafizə Xidməti Qubadlı rayon Yanğından Mühafizə Hissəsinin yanğınsöndürən-xilasediciləri cəlb edilib.
Hadisə yerində əməliyyat şəraiti qiymətləndirilərkən müəyyən olunub ki, “İVECO” markalı yük avtomobili idarəetməni itirərək yol kənarına aşıb və müxtəlif dərəcəli bədən xəsarətləri almış sürücü deformasiyaya uğramış nəqliyyat vasitəsində sıxılı vəziyyətdə qalıb.
Yanğınsöndürən-xilasedicilər xüsusi vasitələrlə avtomobildə sıxılı vəziyyətdə qalmış 1995-ci il təvəllüdlü Rəhimli Kənan Səyyad oğlunu çıxarıb xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
Mətndə səhv var? Onu siçanla seçin və Ctrl+Enter düyməsini basın.
Teqlər:
Bakıda ağır qəza, bir ailənin üç üzvü öldü
“Bank of Baku” ASC-nin ekspertiza piramidasının və qiymətləndirici “Sərraf M” –in fırıldaq çarxı necə işləyib?
YASAMAL YOL POLİSİNDƏN ŞOK “QƏRAR”... - Təcili tibbi yardım maşınları cərimə meydançasına aparılır
İlham Əliyev ölkəmizi qlobal miqyasda tanınan nüfuzlu dövlətə çevirib
Azərbaycan Sərhəd Mühafizəsinin yaranmasından 104 il ötür
