Tarixi ənənələr - “Ağ qızıl ın“ yolu.

Azərbaycan kənd təsərrüfat tarixində pambıqçılıq xüsusi yer tutur . Əsrlər boyu pambıq kəndlinin həm dolanışıq mənbəyi , həm də ölkənin iqtisadi gəlirlərinin mühüm dayağı olmuşdur. XX əsrin ortalarından başlayaraq pambıq “ağ qızıl “ adı ilə xalqımızın zəhmətkeşliyinin , torpağa bağlılığının və zəhmətin müqəddəsliyinin simvoluna çevrilmişdir.

Sovetlər dönəmində pambıqçılıq geniş vüsət almış , Azərbaycan SSR ittifaqın ən iri pambıq istehsalçılarından biri olmuşdur . Bu illərdə pambıq yalnız iqtisadi göstərici deyil , həm də kənd əhalisinin rifahında həlledici amil idi .

Heydər Əliyevin strateji baxışı

1969 - cu ildən başlayaraq respubilkaya rəhbərlik edən Ulu Öndər Heydər Əliyev pambıqçılığa xüsusi önəm verdi . Onun rəhbərliyi ilə yeni əkin sahələri açıldı , kənd təsərrüfatı texnikası ilə təminat yaxşılaşdırıldı , kəndlilərin sosial vəziyyəti yüksəldi .

Heydər Əliyevin uzaqgörən siyasəti nəticəsində Azərbaycan pambıqçılıqda rekord məhsuldarlıq əldə etdi və kənd təsərrüfatında nümunəvi model formalaşdırıldı . 

Müstəqillik illərində də Heydər Əliyev pambıqçılığı strateji sahə kimi dəyərləndirdi və onun dirçəldilməsi üçün mühüm qərarlar qəbul etdi.

İlham Əliyev dövründə pambıqçılığın intibahı 

Prezident İlham Əliyevin rəhbərliyi ilə pambıqçılıq ölkə kənd təsərrüfatının prioritet istiqamətlərindən birinə çevrildi . Dövlət dəstəyi nəticəsində pambıq sahələri genişləndi , fermerlər subsidiyalar və güzəştli kreditlərlə təmin olundu , müasir texniki prklar və pambıq emalı zavodları tikildi.

Bu islahatlar pambıqçılığı yeni inkişaf mərhələsinə çıxardı - məhsuldarlıq artdı , ixrac imkanları genişləndi , Azərbaycan pambığı dünya bazarlarında yenidən tanındı . 

Sosial rifah və pambıqçılığın rolu

Pambıqçılığın inkişafı bölgələrdə minlərlə insan üçün iş yeri yaratdı , kəndlərin sosial həyatını canlandırdı . Yeni zavodlar , texniki xidmət mərkəzləri və anbar kompleksləri kənd təsərrüfatı ilə yanaşı , infrastrukturun inkişafına da təkan verdi .Pambıq əkinində iştirak edən ailələr üçün əlavə gəlir mənbəyi formalaşdı və kənd yerlərində rifah yüksəldi .

Nəticə 

Azərbaycan pambıqçılığı qədim ənənələrə əsaslanaraq bu gün yeni inkişaf dövrünü yaşayır . Ulu Öndər Heydər Əliyevin strateji baxışları və Prezident İlham Əliyevin ardıcıl siyasəti nəticəsində “ağ qızıl “ yenidən ölkə iqtisadiyyatının aparıcı dayaqlarından birinə çevrilmişdir.

Pambıqçılıq təkcə iqtisadi göstərici deyil , həm də xalqımızın zəhmətə bağlılığının , dövlətimizin diqqət və qayğısının simvoludur .

Amil Rəşidov

Prime Cotton MMC-nin Qarabağ Regionunun direktoru.