ANAMA əməkdaşının vəziyyəti - Açıqlandı
Xocalıda minaya düşən ANAMA əməkdaşının vəziyyəti açıqlanıb.
Bu barədə “Qafqazinfo”ya Bərdə Rayon Mərkəzi Xəstəxanasından məlumat verilib.
“18 fevral saat 10:30 radələrində Xocalı rayonu Muxtar kəndi ərazisində baş verən mina partlayışı səbəbilə xəsarət alan 2000-ci il təvəllüdlü kişi Xankəndi Şəhər Mərkəzi Xəstəxanasına hospitalizasiya olunub. Pasiyent ixtisaslı tibbi yardım göstərilməsi üçün Bərdə Rayon Mərkəzi Xəstəxanasına təxliyə olunub.
Ona bədənin müxtəlif nahiyələrinin qəlpə yarası diaqnozu təyin olunub və zəruri tibbi yardım göstərilib. Vəziyyəti orta-ağır qiymətləndirilən şəxsin müalicəsi müvafiq şöbədə davam etdirilir”, - məlumatda vurğulanıb.
Qeyd edək ki, bu gün işğaldan azad edilmiş Xocalıda mina partlayışı zamanı Azərbaycan Minatəmizləmə Agentliyinin (ANAMA) 26 yaşlı əməkdaşı Vasif Fizuli oğlu Çobanov xəsarət alıb.
Mətndə səhv var? Onu siçanla seçin və Ctrl+Enter düyməsini basın.
Teqlər:
İlham Əliyev ölkəmizi qlobal miqyasda tanınan nüfuzlu dövlətə çevirib
Milli Məclisin növbədənkənar sessiyasının növbəti iclasının gündəliyi açıqlandı
Tərtərdə minaya düşən şəxsin sol ayağı topuqdan aşağı amputasiya olunub - ANAMA
"Bu gün sülh sazişinin mətni üzərində iş birbaşa Bakı ilə İrəvan arasında aparılır" - Hikmət Hacıyev
Prezidentin müsahibəsi dünya mətbuatının gündəmində
