Azərbaycanın qədim üzümçülük və şərabçılıq ənənələrini yaşadan, region iqtisadiyyatının inkişafına mühüm töhfələr verən iş adamlarından biri də Naiq Məmmədhəsənov hesab olunur. Onun rəhbərlik etdiyi Tovuz Baltiya uzun illərdir ki, ölkəmizdə keyfiyyətli məhsulları, uğurlu fəaliyyəti və milli brendlərimizin tanıdılması istiqamətində gördüyü işlərlə seçilir.
Qurban Bayramı və Müstəqillik Günü münasibətilə xalqımıza ən xoş arzularını çatdıran Naiq Məmmədhəsənov bildirib ki, milli və mənəvi dəyərlərimizin qorunması hər bir azərbaycanlının müqəddəs borcudur. O qeyd edib ki, Azərbaycan xalqı hər zaman birlik, həmrəylik və vətən sevgisi ilə böyük uğurlara imza atıb.
“Tovuz Baltiya” şirkəti uzun illərdir ki, Azərbaycan şərabçılıq sənayesinin inkişafında xüsusi rol oynayır. Şirkət müasir texnologiyalar əsasında fəaliyyət göstərərək yerli məhsulların dünya bazarına çıxarılmasına nail olub. Müxtəlif beynəlxalq sərgilərdə və festivallarda ölkəmizi uğurla təmsil edən şirkətin məhsulları xarici bazarlarda da böyük maraqla qarşılanır. 
Naiq Məmmədhəsənovun rəhbərliyi ilə həyata keçirilən layihələr regionda məşğulluğun artırılmasına, kənd təsərrüfatının inkişafına və yerli istehsalın güclənməsinə mühüm töhfə verir. Onun sahibkarlıq fəaliyyəti təkcə iqtisadi uğurlarla deyil, həm də sosial məsuliyyət layihələri ilə yadda qalır.
Qurban Bayramının insanlara birlik, mərhəmət və paylaşmaq duyğusu aşıladığını bildirən sahibkar vurğulayıb ki, xalqımızın milli-mənəvi dəyərləri daim qorunmalı və gələcək nəsillərə ötürülməlidir. Müstəqillik Gününün isə Azərbaycanın dövlətçilik tarixində mühüm əhəmiyyət daşıdığını qeyd edən Naiq Məmmədhəsənov ölkəmizin daha da güclənməsi və inkişafı naminə hər bir vətəndaşın üzərinə düşən məsuliyyəti layiqincə yerinə yetirməsinin vacibliyini bildirib.
Bu gün Tovuz Baltiya öz fəaliyyəti ilə həm ölkə iqtisadiyyatına töhfə verir, həm də Azərbaycanın qədim şərabçılıq ənənələrinin dünyada tanıdılması istiqamətində mühüm addımlar atır. Şirkətin fəaliyyəti beynəlxalq platformalarda da diqqət çəkir və Azərbaycan məhsullarının nüfuzunun yüksəlməsinə xidmət edir.
Sonda Naiq Məmmədhəsənov bütün Azərbaycan xalqını müqəddəs Qurban Bayramı və Müstəqillik Günü münasibətilə ürəkdən təbrik edərək hər kəsə möhkəm can sağlığı, firavanlıq, süfrələrə ruzi-bərəkət və ölkəmizə davamlı inkişaf arzulayıb.