2 İyul – Azərbaycan Polisi Günü ölkəmizdə hüquq-mühafizə orqanlarının əməkdaşlarının peşəkarlığının, dövlətə və xalqa sədaqətinin təntənəsidir. Bu əlamətdar gün münasibətilə Laçın Rayon Polis Şöbəsinin rəisi, polis polkovniki Adil Əsədovu səmimi-qəlbdən təbrik edir, ona möhkəm cansağlığı, məsuliyyətli xidmətində yeni uğurlar arzulayırıq.
Azərbaycan Polisi xalqın təhlükəsizliyinin, ictimai asayişin və qanunun aliliyinin təmin edilməsində mühüm rol oynayır. Daxili işlər orqanlarının əməkdaşları hər zaman yüksək peşəkarlıq, vətənpərvərlik və fədakarlıq nümayiş etdirərək dövlətçiliyimizin möhkəmlənməsinə layiqli töhfələr verirlər.
Polis polkovniki Adil Əsədov da uzun illər ərzində daxili işlər orqanlarında qazandığı təcrübə, prinsipiallığı və məsuliyyətli rəhbərlik fəaliyyəti ilə seçilən rəhbərlərdən biridir. Onun rəhbərliyi altında Laçın Rayon Polis Şöbəsində xidməti fəaliyyətin yüksək səviyyədə təşkili, vətəndaş müraciətlərinə həssas yanaşılması, ictimai təhlükəsizliyin etibarlı qorunması və qanunçuluğun təmin olunması daim diqqət mərkəzində saxlanılır.
İşğaldan azad olunmuş Laçın rayonunda sabitliyin və təhlükəsizliyin qorunması, dövlət quruculuğu prosesinə dəstək göstərilməsi, vətəndaşların təhlükəsiz şəraitdə yaşaması istiqamətində polis əməkdaşlarının fəaliyyəti xüsusi əhəmiyyət daşıyır. Bu məsuliyyətli və şərəfli missiyanın uğurla həyata keçirilməsində peşəkar rəhbərlərin əməyi danılmazdır.
2 İyul – Azərbaycan Polisi Günü münasibətilə polis polkovniki Adil Əsədova ən xoş arzularımızı çatdırır, ona gələcək fəaliyyətində yeni nailiyyətlər, möhkəm cansağlığı, ailə səadəti və Vətənimizin təhlükəsizliyi naminə gördüyü şərəfli xidmətdə davamlı uğurlar arzulayırıq.
Peşə bayramınız mübarək!

Hörmətlə Kəmalə Eldarlı

Baş redaktor