2 İyul – Azərbaycan Polisi Günü münasibətilə
Hər il 2 iyul tarixində ölkəmizdə Azərbaycan Polisi Günü böyük ehtiramla qeyd olunur. Bu əlamətdar gün xalqın təhlükəsizliyi, dövlətin sabitliyi və ictimai asayişin qorunması naminə gecə-gündüz fədakarlıqla xidmət edən polis əməkdaşlarının peşəkarlığına və əməyinə verilən yüksək dəyərin ifadəsidir.
Azərbaycan polisi dövlətçiliyimizin möhkəmləndirilməsində, qanunun aliliyinin təmin olunmasında, vətəndaşların hüquq və azadlıqlarının müdafiəsində mühüm rol oynayır. Daxili İşlər Orqanlarının əməkdaşları çətin və məsuliyyətli xidmətlərini yüksək peşəkarlıq, vətənpərvərlik və xalqa sədaqət prinsipləri əsasında yerinə yetirirlər.
Bu şərəfli peşənin nümayəndələrindən biri də Tovuz Rayon Polis Şöbəsinin rəisi, polis polkovniki Habil Əmiraslanovdur. O, xidməti fəaliyyəti dövründə qanunçuluğun təmin olunması, ictimai asayişin qorunması, cinayətkarlığa qarşı mübarizənin gücləndirilməsi və vətəndaş müraciətlərinə həssas yanaşması ilə seçilən rəhbərlərdən biri kimi tanınır.
Habil Əmiraslanovun rəhbərliyi ilə rayon ərazisində təhlükəsizliyin təmin olunması, profilaktik tədbirlərin səmərəli təşkili və polis-vətəndaş münasibətlərinin daha da möhkəmləndirilməsi istiqamətində ardıcıl işlər həyata keçirilir. Onun tələbkarlığı, peşəkarlığı və məsuliyyət hissi rəhbərlik etdiyi kollektivin fəaliyyətində öz müsbət nəticələrini göstərir.
Polis peşəsi yalnız bir vəzifə deyil, həm də böyük məsuliyyət, cəsarət və vətənə sədaqət tələb edən şərəfli bir missiyadır. Habil Əmiraslanov bu missiyanı layiqincə yerinə yetirərək dövlətə və xalqa xidmət prinsiplərinə daim sadiq qalır.
2 İyul – Azərbaycan Polisi Günü münasibətilə polis polkovniki Habil Əmiraslanovu və onun simasında bütün polis əməkdaşlarını ürəkdən təbrik edir, onlara möhkəm cansağlığı, ailə səadəti, çətin və şərəfli xidmətlərində yeni uğurlar arzulayırıq. Qoy onların fəaliyyəti hər zaman ölkəmizdə əmin-amanlığın, sabitliyin və qanunun aliliyinin qorunmasına xidmət etsin.
Azərbaycan polisinin şərəfli yolu daim uğurlu olsun, Vətənə xidmət missiyası yeni nailiyyətlərlə davam etsin!

Hörmətlə Kəmalə Eldarlı

Baş redaktor