2 İyul – Azərbaycan Polisi Günü ölkəmizdə ictimai asayişin qorunması, qanunun aliliyinin təmin edilməsi, vətəndaşların təhlükəsizliyinin keşiyində fədakarlıqla dayanan polis əməkdaşlarının peşə bayramıdır. Bu əlamətdar gün münasibətilə Mingəçevir Şəhər Polis Şöbəsinin rəisi, polis polkovniki Ədalət Əliyevi səmimi-qəlbdən təbrik edir, ona möhkəm cansağlığı, məsuliyyətli fəaliyyətində yeni nailiyyətlər və uğurlar arzulayırıq.
Azərbaycan polisi dövlətçiliyimizin əsas dayaqlarından biri olmaqla cəmiyyətin təhlükəsizliyinin təmin edilməsində, cinayətkarlığa qarşı mübarizədə, ictimai asayişin qorunmasında və vətəndaşların hüquq və azadlıqlarının müdafiəsində mühüm rol oynayır. Bu şərəfli missiyanın layiqincə yerinə yetirilməsində peşəkar rəhbərlərin əməyi xüsusi əhəmiyyət daşıyır.
Polis polkovniki Ədalət Əliyev uzun illər ərzində daxili işlər orqanlarında qazandığı zəngin təcrübə, yüksək peşəkarlıq, prinsipiallıq və məsuliyyət hissi ilə seçilən rəhbərlərdən biridir. Onun rəhbərliyi altında xidmətin səmərəli təşkili, qanunun aliliyinin təmin olunması, vətəndaş müraciətlərinə həssas yanaşılması və ictimai təhlükəsizliyin qorunması istiqamətində həyata keçirilən işlər polis orqanlarına olan etimadın daha da möhkəmlənməsinə xidmət edir.
Mingəçevir şəhərində sabitliyin və əmin-amanlığın qorunması, hüquqpozmalara qarşı operativ tədbirlərin görülməsi, profilaktik işlərin gücləndirilməsi və vətəndaşların təhlükəsizliyinin təmin edilməsi istiqamətində görülən işlər peşəkar idarəçiliyin və məsuliyyətli xidmətin göstəricilərindəndir. Polis əməkdaşlarının fədakar fəaliyyəti cəmiyyət tərəfindən yüksək qiymətləndirilir.
2 İyul – Azərbaycan Polisi Günü münasibətilə polis polkovniki Ədalət Əliyevə və Mingəçevir Şəhər Polis Şöbəsinin bütün şəxsi heyətinə ən xoş arzularımızı çatdırır, onların çətin və şərəfli xidmətlərində yeni uğurlar, möhkəm cansağlığı, ailə səadəti və Vətənə xidmət yolunda daim yüksək nailiyyətlər arzulayırıq.
Peşə bayramınız mübarək! Qoy Azərbaycan polisinin şərəfli adı daim uca tutulsun, ölkəmizdə sülhün, sabitliyin və qanunun aliliyi bundan sonra da etibarlı şəkildə qorunsun.

Hörmətlə Kəmalə Eldarlı

Baş redaktor