2 İyul – Azərbaycan Polisi Günü ölkəmizdə ictimai asayişin qorunması, qanunun aliliyinin təmin olunması və vətəndaşların təhlükəsizliyi naminə fədakarlıqla xidmət göstərən polis əməkdaşlarının peşə bayramıdır. Ümummilli Lider Heydər Əliyevin 1998-ci il tarixli Fərmanı ilə təsis edilən bu əlamətdar gün Azərbaycan polisinin dövlətçiliyə sədaqətinin və xalqa xidmət missiyasının rəmzidir. Bu ənənə bu gün də Azərbaycan Respublikasının Prezidenti cənab İlham Əliyevin rəhbərliyi ilə uğurla davam etdirilir.
Bu əlamətdar gün münasibətilə Gəncə Şəhər Baş Polis İdarəsinin rəisi, polis general-mayoru Teymur Hacıyevi və rəhbərlik etdiyi bütün şəxsi heyəti səmimi-qəlbdən təbrik edir, onlara məsuliyyətli və şərəfli xidmətlərində yeni uğurlar arzulayırıq.
Teymur Hacıyev peşəkar idarəçilik bacarığı, yüksək məsuliyyət hissi və dövlətə sədaqəti ilə seçilən rəhbərlərdən biridir. Onun rəhbərliyi altında Gəncə Şəhər Baş Polis İdarəsində ictimai asayişin qorunması, cinayətkarlığa qarşı mübarizənin gücləndirilməsi, vətəndaş müraciətlərinə həssas yanaşılması və hüquq qaydasının təmin edilməsi istiqamətində ardıcıl fəaliyyət həyata keçirilir.
Azərbaycan polisi hər zaman dövlətçiliyin keşiyində dayanaraq cəmiyyətin sabitliyi və insanların təhlükəsizliyi naminə əzmlə xidmət göstərib. Gəncə şəhərində də polis əməkdaşları ictimai təhlükəsizliyin təmin olunması, hüquq pozuntularının qarşısının alınması və vətəndaşların rahat həyatının qorunması istiqamətində üzərlərinə düşən vəzifələri layiqincə yerinə yetirirlər.
Polis general-mayoru Teymur Hacıyevin fəaliyyətində qanunun aliliyinə sadiqlik, peşəkarlıq, prinsipiallıq və kollektivlə səmərəli iş mühüm yer tutur. Onun rəhbərliyi altında şəxsi heyətin peşə hazırlığının yüksəldilməsi, xidmət intizamının möhkəmləndirilməsi və ictimai etimadın daha da artırılması istiqamətində görülən işlər xüsusi əhəmiyyət daşıyır.
2 İyul – Azərbaycan Polisi Günü münasibətilə polis general-mayoru Teymur Hacıyevə möhkəm cansağlığı, ailə səadəti, məsuliyyətli fəaliyyətində yeni nailiyyətlər, Gəncə Şəhər Baş Polis İdarəsinin bütün əməkdaşlarına isə çətin və şərəfli xidmətlərində uğurlar, əmin-amanlıq və daim yüksək nailiyyətlər arzulayırıq.
Peşə bayramınız mübarək!

Hörmətlə Kəmalə Eldarlı

Baş redaktor