Səhv qərar verən Əliyar Ağayev cəzalandırıldı
Azərbaycan kubokunun yarımfinal mərhələsinin ilk oyunu çərçivəsində keçirilən “Turan Tovuz” - “Zirə” (0:2) matçında qəbul etdiyi mübahisəli qərarlarla gündəmə gələn hakim Əliyar Ağayev və VAR hakimi Cavid Cəlilov cəzalandırılıb.
Bu barədə “Qafqazinfo”ya AFFA-dan məlumat verilib.
Məlumata görə, hər iki hakimin adı bu gün keçirilən “Qarabağ” - “Karvan-Yevlax” və sabahkı “İmişli” - “Turan Tovuz” matçlarından çıxarılıb.
Qeyd edək ki, AFFA Hakimlər Komitəsinin sədri Rəhim Həsənov tovuzluların narazı qaldığı və baş hakim Əliyar Ağayevin penalti təyin etmədiyi epizodlarda referinin qərarlarını yanlış adlandırmış, onun səhv qərar verdiyini təsdiqləmişdi.
Xatırladaq ki, “Turan Tovuz”un prezidenti Ehtiram Quliyev məsələyə dair sərt açıqlama verərək futbolçuların haqqını hakim Əliyar Ağayevə halal etmədiyini bildirib.
Mətndə səhv var? Onu siçanla seçin və Ctrl+Enter düyməsini basın.
Teqlər:
Prezident bu məhkəmələrə hakimlər təyin etdi - Siyahı
İlham Əliyev ölkəmizi qlobal miqyasda tanınan nüfuzlu dövlətə çevirib
Prezident bu məhkəmələrə hakimlər təyin etdi - Sərəncam
İş adamından Gəncə Apellyasiya Məhkəməsinin hakiminə etiraz – “Afiq Hüseynzadə banklara xidmət edir”
Milli Məclisin növbədənkənar sessiyasının növbəti iclasının gündəliyi açıqlandı
