22 İyul – Azərbaycan Milli Mətbuat Günü xalqımızın maariflənməsi, milli şüurun formalaşması və cəmiyyətin inkişafında mühüm rol oynamış milli mətbuatımızın şərəfli tarixini əks etdirən əlamətdar gündür. Bu əziz gündə ölkəmizin bütün media nümayəndələrinə dərin ehtiram və minnətdarlıq ifadə olunur.
"Volqa-499" MMC-nin rəhbəri Fəxrəddin Bəşirov Milli Mətbuat Günü münasibətilə bütün jurnalistləri, media qurumlarını və informasiya sahəsində çalışan əməkdaşları ürəkdən təbrik edir, onlara möhkəm cansağlığı, yeni yaradıcılıq uğurları və peşə fəaliyyətlərində nailiyyətlər arzulayır.
O bildirib ki, milli mətbuat cəmiyyətin maariflənməsinə, obyektiv informasiyanın çatdırılmasına, dövlətçilik dəyərlərinin təbliğinə və milli həmrəyliyin möhkəmlənməsinə mühüm töhfə verir. Peşəkar jurnalistikanın inkişafı ölkənin demokratik inkişafının əsas göstəricilərindən biridir.
Fəxrəddin Bəşirov qeyd edib ki, Azərbaycan mediası ötən illər ərzində böyük inkişaf yolu keçərək müasir informasiya texnologiyalarının imkanlarından səmərəli istifadə edən, operativ və peşəkar fəaliyyət göstərən mühüm ictimai institutlardan birinə çevrilib. Milli maraqların qorunması, dövlətçilik ənənələrinin təbliği və cəmiyyətin düzgün məlumatlandırılması istiqamətində media nümayəndələrinin əməyi yüksək qiymətləndirilməlidir.
Milli Mətbuat Günü münasibətilə bütün qələm sahiblərinə, televiziya, radio və internet media əməkdaşlarına məsuliyyətli fəaliyyətlərində uğurlar, ailələrinə firavanlıq və yeni yaradıcılıq nailiyyətləri arzulayır.
22 İyul – Milli Mətbuat Günü münasibətilə bütün media nümayəndələrini səmimi qəlbdən təbrik edir, Azərbaycan mətbuatına yeni-yeni uğurlar və daim yüksəliş arzulayırıq.